NDU GUPAI DUHE TI NI NA NYANYAKIPAHA: Wakina kura dungu aũsunge, aũfugo dagbase ima rengba ka undo watadu ka du ni kerehe. Bete kura aKristano sia gupai nga ka zanga mangasunge na aũfugo dagbase. Kura aKristano namangasunge na aũfugo dagbase tipa kaa fura na gayo aborokporo gbiati abakureayo. Ono tie, Bakitingbanga naida ani mangisunge na aũfugo dagbase zanga tatamana, nga gu naima rengba ka gbarasa rimorani gbiati gaani pagume na Yekova. Wakina Yesu, ani ima rengba ka mangasunge na abangua rengo rogo Fugo Mbori ka inopa kerepai na ka nehe.​—Rk 4:​4, 8, 12.

AGU AGBINA SI AIDA ANI NEHE:

• Mangasunge na aũfugo dagbase kisusi ome. Dia kumu regbo kuti mangasunge na aũfugo dagbase watadu aũgbandaka pangbanga ima rengba ka dia gu regbo ka ani nimangisunge na ni tipa agu apai nga ga toro.

  Bangua arengo nga ga Ziazia Kekeapai: Ef 5:15, 16; Frp 1:10

• Biko gbegberẽ ahe. Ngana agu akpiahe nazingisa nyemu kodaba nga gu rengbe ka ndu sa biko kpia kundiri aboro watadu wasiwasi mangapai. Geda agu apai nga ga abasamungu kuti ndikidi pambori watadu gayo abangiriba ima rengba ka gbarasapa gaani idapase.

  Bangua arengo nga ga Ziazia Kekeapai: Mt 5:28; Frp 4:8

• Keka gbegberẽ afugo watadu maa gbegberẽ akpiahe rogo aũfugo dagbase. Wa duhe nga kpotoboro yo nangihe kisusi, boro ima rengba ka du na nyemu ke gbegberẽ fugo watadu ka maa gbegberẽ kpiahe rogo aũfugo dagbase. Ono tie, gipai re ima rengba ka gbarasarimo boro watadu ka rungburasi gani idapase.

  Bangua arengo nga ga Ziazia Kekeapai: Rom 14:13; Ef 4:29

ONI MOI GU VIDIO NGA, MO MANGISUNGE NA AŨFUGO DAGBASE NA TATAMANA, FUOHO, ONI KI FUGU WAI KA NE TI KU ROGO AGI AKPAKARAPAI RE: