Agu avunguagude nagunde ti Mbori nakpinyemu ka bi awiriyo ni gu ga Yekova amoyambu du ni ruruyo. Avunguagude rengbe ka undo awiriyo i mangi gipai re ni rimiso yo gu yugopai nga ga Ziazia Kekeapai ku ngbadu awiriyo yo mbuyo kindi rukutu. (Pa Rug 6:7; Snz 22:6) Ya mo gipai re naida boro mbu pa kura apai ambu? Ii kina boro wo duhe nirengo! Ono bakere mosoro du ti mangaha.​—3Yo 4.

Avunguagude ima rengba ka wirika badungu apai be Yosefa na Maria. I “anandu na agarã ku Yerusarema yo rago pumbo susiri,” gipai re anaadia bakere asadatise na marã. (Rk 2:41) Si tie ziazia nga, tipa Yosefa na Maria, si adu ni nyanyakipa pai fuyo tipa gayo aborokporo du mbembedi na Yekova. Wakina gure a, areme, avunguagude nanungusa awiriyo ngba ruru gene ni mangayo sunge na agu amomu dunduko duho tipa ka yugopai fu awiriyo rogo fugo yo na rogo mangaapai yo.​—Tam 127:3-5.

ONI MOI GU VIDIO NGA, I AMANGISUNGE NA AMOMU DUNDUKO, FUOHO, ONI KI KARAGAPAI KUTI AGI ASANAHE RE:

• Wai gu Jon na Sharon Schiller aperesi pa Kindo mbatayo ho i aasonosa awiriyo ni?

• Tipagine si aida avunguagude yugupai fu agude, kini nungusi yo, na kini ruguyo ni basasa ngba agene ni bakiakia?

• Wai gu rengbe avunguagude ka mbakada awiriyo i ru nyanyaki rogo aˈasada?

• Gini aũsunge ga Yekova riigbu nakusihe ka undo agude i da ni abakurea Yekova?