Mbata fu ani mangi tooni diaberã watadu bakiki he, ya mo ani ni naasana tirani nga, ‘Ginipai Yekova Nika Berãha?’ Wa vura duhe nga ani ainongo apai dunduko tipa ga Yekova berã te, ko nayugo dungu apai furani vurube Fugoko tipa si undo rani ani du na aũ “manga wene apai dunduko” berani. (2Tim 3:16, 17; Rom 11:33, 34) Yesu aima wirikapai tipa gupai Yekova akpinyemuhe na ki saha ni gupai naadu na nyanyakipaha rogo gako raka yo. (Yo 4:34) Ani wirikinga Yesu awirika ni manga ani bakere asadatise ka manga agu adiaberã nasa ngbarago ti Yekova.​—Yo 8:28, 29; Ef 5:15-17.

ONO BI GU VIDIO NGA, ONI KAKUTI WIRIKA GUPAI YEKOVA AKPINYEMUHE (PA MOT 19:18), NA FUOHO, ONI KI KARAGAPAI KUTI AGI ASANAHE DU KUSENDE RE:

• Tipagine si aida ani mangisunge ti ni na bangua arengo nga ga Baibiri rogo gaani raka yo?

• Gini bangua arengo nga ga Baibiri si aida si du na maapai kurii gu manzigo ani asiaha?

• Gini bangua arengo nga ga Baibiri si aida si du na maapai kurii agu aroko na gu mbakadatise ani asiaha?

• Rogo gini kura abangiriaba nga ga raka si aida ani mangisunge ngbaha na gu bangua arengo nga ga Baibiri?

• Wai gu rengbe ani ka sonosa gu gaani birĩ nga ga ino gupai Yekova akpinyemuhe?