Rogo gaani adungurati ani na agu awirina niima iriso Yekova tipa dungu agarã. Ani ima rengba ka wirikapai ti gayo nyanyaki kido kuti Yekova. Ani ima rengba ka sanayo tipa agu apangbanga du tipa ga Yekova riigbu gbiati agu akpakarapai i na gbiatiyo na ni na kidu na diabese rogoho mbiko ga Yekova undo. Ani ima rengba ka yamba gi ngbatunga awirina re tipa gaani irisombori nga ga Aborokporo tipa i gumba gayo akpiapai furani.

Ka singia mo ima iriso Yekova tipa dungu agarã, si naida mo du nga regerege ka pekapa wai Yekova naundo ro fu agu aKristano nga paranga aboro. AYakobo na Yosefa aima pekapa wai Yekova aundo yo fu gu gayo aborokporo nangia paranga aboro. (Bam. P 48:21, 22; 50:24, 25) Kusa, Yekova afu rugapai fu abariikporo nga i yugupai fu awiriyo tipa gako iiriwo mangaapai. (Pa Rug 4:9, 10; Tam 78:4-7) Ti gaani regbo areme, avunguagude gbiati kura aboro rogo dungurati ima rengba ka pekapa gu wene apai fu paranga aboro nga gu i nabihe Yekova nimangihe vurube gako riigbu.

ONI MOI GU VIDIO NGA BANDA KODATISE TI GU REGBO I ARUGUSA GAANI SUNGE, NA FUOHO, ONI KI KARAGAPAI KUTI AGI ASANAHE RE:

• Wai gu gu be-basunge nga ga Austria aundo agu awirinarani naadu rogo bete agu aringara i arugusi gaani sunge rogoho?

• Wai gu agu awirina naadu rogo agi aringara re abanda gayo idapase ni nyanyakihe?

• Tipagine badungu abatungusipai Romania yo ambu ga Yekova riigbu ti ni, na wai du i akaragatiyo?

• Wai gu agi apangbanga re anyakasa gamo idapase?