NDU GUPAI DUHE TI NI NA NYANYAKIPAHA: Tipa Yekova idi na ni, si naida gu bawiriki Ziazia Kekeapai re kpara gani raka fuko na ki zi bapatiza. (1Pet 3:21) Bandahe nga ga toro duho fu agu aboro naraka ringbisihe kuti gayo kparatise. (Tam 91:1, 2) Ni du ani ni aKristano, gaani kparatise fu Yekova angianga fu boro, basunge, watadu riigbu ya. Sidu, si naida abawiriki Ziazia Kekeapai sonosi nyemuse na tambuahe tipa Mbori.—Rom 14:7, 8.

WAI RENGBE BORO KA MANGAHA:

• Ti regbo gaoni sakapai, mo fura tipa ginipai gupai oni awirikaha ayugoho tipa Yekova. Mo ngarasi ni tipa ni naageda Ziazia Kekeapai na aˈuru dunduko na ka ni “piriginga ti kpara kpe ya.”—1Tesa 5:17; Yak 4:8

• Mo ngarasi ga bawiriki Ziazia Kekeapai ni moi asásá nga ga kpara gani raka na ki zi bapatiza. Mo undo ni tipa ni moi guruguru asásá, wa agu nga karagapai ti regbo adunguratise, manga dezirepai fu gani amurakporo gbiati gani abadiasunge. Si naida mo ini gupai nga, Yekova amanganga rani ngbaome tipa ani fu iriso fuko te. Kparatise nga gu diaberã nga ga boro.—Pa Rug 30:19, 20

• Mo undo gamo bawiriki Ziazia Kekeapai ni mangi aariapai tipa ka fu taarimo fu Yekova na ki rẽ tipa bapatiza. (Snz 27:11) Wa duhe nga gu kura gbegberẽ asino kinaho rengbe ka zio tihe kuti boro, si naida mo naaundo ni aundo kindi tipa ni di kuru borose kusayo na ki ukadi vovo borose. (Ef 4:22-24) Mo yugu gu kekeapai fu ni du rogo gaani Ngbaõbambu Sinziri nga “Ziazia Kekeapai Rengbe Arengba Ka Aria Gaoni Raka”

• Mo peke pa gu ngbarago fu ni mo nagbiaha wa mo airiso Yekova. —Yes 48:17, 18.