Tipagine dia Roto angere ti ni kusayo ho ri aaora ni Sodomo yo? Ziazia Kekeapai agumbanga ha te. (Bam. P. 19:17, 26) Agu afugo du rogo ga Yesu zahe yo nayugoho nga si nawira wa ri aima du na nyemu agu ahe ri ambuhe kusayo. (Rk 17:31, 32) Wai gu rengbe ani ka ne gupai nga ka Mbori idinga na ani ya wa gu namangi dia Roto? Si aidanga ani mbu nyemu aũzegino si du ni gupai ani aperesapaha mbatayo te. (Mt 6:33) Yesu ayugu gupai nga ka ani “ra nga fu Mbori nira fu ũzegino” ya. (Mt 6:24) Ono na ka si du nga ani bi gupai nga aũzegino tona kaa diaba agu apai nga ga toro rogo gaani raka yo? Si naida ani kpari fu Yekova tipa rugatinapai tipa ka bi agu abangiriaba si aida ani mangi ariapai rogoho na ki kpari tipa wingbaduse na ome tipa ka mangaha wo.

ONI TINGIDIPA GU VIDIO DU NA APAPARAHA BIATA NGA, ONI TÍNGIDI PA DIA ROTO, NA KI KARAGAPAI KUTI AGI ASANAHE DU KUSENDE RE:

• Wai gu sosodahe tipa ka manga bakere marã adu na maapai kurii ga Gloria berãpai, afugori gbiati gari mangaapai?

• Wai gu du dia Roto ni kpiapai nga ga zahe furani areme?

• Wai gu mangasunge na agu abangua arengo nga ga Ziazia Kekeapai aundo Yoere na gako aborokporo?

• Wai gu ga Anna gbegberẽ kpamiatise basunge yo adu na maapai kurii ri rogo toro yo?

• Tipagine ani aida na wingbaduse ti ni ka si du nga i nasosoda rani tipa ani moi marã mbata yo rogo gaani raka?

• Wai gu Bernado na Gloria atona maa agu apai nga ga toro mbatayo berewe?

• Gini abangua arengo nga ga Ziazia Kekeapai mo abihe ni yuguyuguhe rogo gi vidio re?