NDU GUPAI DUHE TI NI NA NYANYAKIPAHA: Awaraga dunduko rogo gaani Aũsunge Nga ga Tungusapai nayugo bara jw.org. Berewe a, gu rukutu akarte ani naafuhe fu aboro gbiati gu trakte nga Wari Rengbe Mo ka Gbia Akaragapai Ni Sa agu Asanahe Nyakipaha Gbe? i akusihe tipa si yugu bara gaani bangiriba nga ga internet fu aboro. Mo rengbe arengba ka mangasunge na jw.org tipa ka keda awaraga rogo gaani Aũsunge Nga ga Tungusapai fu boro rogo email watadu ka keda gupai funi nika ndu na ni ku rogo jw.org. Gipai re ima rengba ka undo ni bakerehe gbe ho ani amanga dezirepai ni fu gu boro nape gu fugo du kia. Kurigure, aboro ima rengba ka sana agu asanahe adunga gaha akaragapai rogo gaani Aũsunge Nga ga Tungusapai ya. Ka ani mangisunge na gaani bangiriba, gaani sunge tungusapai nika du na wene sangbanaha ti ni.

WAI KA MANGAHA:

• Mo mangisunge na gu bangiriba nga “BIBLE TEACHINGS.” Ani ya nga mo namanga dezirepai fu gu vungugude naida ka ino dungu apai tipa wai ka sonosa gude. Mo ndu ku rogo BIBLE TEACHINGS > MARRIAGE & FAMILY.

• Mo mangisunge na gu bangiriba nga “AGU AHE DUHO.” Ani ya nga mo namanga dezirepai sukuru yo zanga mo mbakadi tiro ambakada tipaha na mo naida ka fura na kuaro sukuru yo tipa gu burosua nga Akaragapai Kuti Asanahe 10 Paranga Aboro Naasanaha. Mo ndu ku rogo AGU AHE DUHO > ABUKU NA KURA AWARAGA.

• Mo mangisunge na gu bangiriba nga “AGU APAI DU TIPA RANI.” Ani ya nga mo namanga dezirepai fu gamo badia sunge nga gu ni naida ka geda bete asakapai tipa agu apai ani naidi kuti ni. Mo ndu ku rogo ABOUT US > FREQUENTLY ASKED QUESTIONS.

[Gu sura du ti kpewaraga 8]

• MO BI GU VIDIO NGA MANGASUNGE NA JW.ORG, NA KI BI WARI RENGBE MO KA NDU NI ROGO GAANI BANGIRIBA TIPA KA UNDO:

• gu boro naya Mbori ti ni te

• gu boro gberãngo namangi ni barambeda

• gu wirina niima zera rogo toro yo

• gu boro mo akaraga tiro fuoni nga gu ni nabaka bangirini tipa wai ani naagbia marã tipa gaani sunge