Si taata fu ga Yekova amoyambu dunduko i mangi agu apai fu Yekova nga gu bangirise nikaa gonga ti ni ya. Bangiri Yekova agonga ti gu sunge ani amangaha gbiati gu nyemuse ani ayugoho tipa rimoko te, ko wa kina gu baagude na kpinyemu awirini na ka bangirini agonga ti gu wene apai i namangihe ya. (Mt 6:​20; Eb 6:​10) Rengo ngaha nga, ani dunduko du na rengba ka mangapai ni bakiakia na agu apai du tipa rani ni bakiakia. Wa vura duhe wo, ka ani mangi ai gupai rengbe omerani na ni tingba gaani sunge fu Yekova, ani nika duadu na ngbarago. (Gara 6:4; Koro 3:​23) Akutu awirina nga akumba na adee ima mangasunge Betere yo vuru agu agarã yo susi. Ya mo mo na rengba kafu tironi ni baundosunge Betere yo? Ka si du nga mo arengbanga te, ya mo ka mo ngarasi kura boro kia ni mangihe, watadu ka undo gu boro namangasunge Betere yo ni naamangaha amanga kindi?

ONI BI GU VIDIO NGA, MO DU NGA REGEREGE TIPA SUNGE BETERE, NA FUOHO, ONI KI KARAGAPAI KUTI AGI ASANAHE DU KU SENDE RE:

• Ginipai si aida si du ni gupai nafõngbaduroyo tipa mo mangisunge Betere yo?

• Gini apai kura aboro napekehe tipa agu amaku du ti mangasunge Betere yo?

• Gini apai si aida boro mangihe tipa ka rẽ tipa sunge Betere?

• Wai gu rengbe mo ka sanahe tipa ka mangasunge Betere yo?