Rogo gu waraga ga Mbori toro adu kugii Pauro ko kehe fu Tito, Pauro ake gupai nga, paranga aboro gbiati Tito mangi bakere ome ka ‘yugo kpia wene mangaapai rogo apai yo dunduko.’ (Tito 2:​6, 7) Kusa rogo kina gu bangisa kapita re, ko ayugu gupai nga Yesu nika giriso ga Yekova aboro tipa gupai nga i du “ngangarã tipa manga agu apai ngba angba.” (Tito 2:​14) Pai sa dagba agu apai ngbaangba re nga, ka tungusapai na kini yugupai tipa ga Mbori Kindo. Ka si ngia paranga boro nga mo, ya mo mo rengbe ka mangasunge na gu ome du mo na ni tipa ka mangasunge ni moundo abazakigene watadu ni bazakigene?​—Snz 20:29.

Ka si du nga mo naida ka mangasunge ni bazakigene, si naida mo mbakadi gamo apai ti genehe tipa gupai nga mo du na rengba ka da ni bazakigene. (Rk 14:28-​30) Ni kpiapai, wai gu mo nika ngerafuo tiro ho mo nikaa mangasunge Kindo ni ti aregbo dũ? Wai gu mo nika gbia agu asa si aidaha bero? Mo sana Yekova rogo kparakpee yo tipa ko undoro. (Tam 37:5) Mo sakipai tipa gamo berãpai na avunguro watadu agu abazakigene naima du na diabese rogo gayo sunge yo. Mo mangi diandue tipa kada ti gamo sásá. Nirengo, Yekova nika fu maku afu foro tipa gamo du zaaza tingba gako sunge!

ONI BI BU VIDIO NGA, PARANGA ABORO NATAASARIMO YEKOVA, NA FUOHO, ONI KI KARAGAPAI KUTI AGI ASANAHE DU KU SENDE RE:

• Gini akpakarapai kura aboro nadi behe tipa gupai ka mangasunge ni abazakigene, na wai du i namangihe?

• Wai gu rengbe avunguagude ka undo awiriyo i da ni abazakigene?

• Tipagine du pa ringbisa regbo tipa tungusapai ti ni na nyanyakipaha?

• Wai gu rengbe agu aboro du rogo dungurati ka ngarasa bazakigene na kini undo ni?

• Gini amaku agu aboro namangasunge ni abazakigene agbiaha?