AŨKUMUKO ROGO FUGO MBORI YO | EYOBO 1-5
Eyobo Akakuti Ruru Mangapai Rogo Asada
Eyobo araki Uza yo ti gu regbo aYisaraere adu ni akanga Ezipeta yo. Wa Eyobo avurangianga boro Yisaraere ya, ko akakuti iriso Yekova kindi ni ruruko. Ko adu na dungu aborokporo, bakere aũkumuko, na kidu ni baworimo rogo gako dagbarago. Ko adu ni wene bafu rugute na kini saringbanga zanga kparakaro. Ko anaagamahe fu rungorungo aboro na agu aboro naadu rogo zingo. Eyobo akakuti ruru mangaapai.
Eyobo ayuguhe nga kina Yekova sa pako anyaki gbe fuko rogo gako raka
1:8-11, 22; 2:2-5
-
Satana aima bi ga Eyobo pa du ni ruruse. Ko atinga kango pa ga Eyobo giasangba koyo du Yekova ni te; kuba gure, ko afura tipa gupai naasa ko ko naagia sangba Yekova
-
Satana akitingbanga Eyobo ni birĩ nga, ko nairiso Yekova tipa kina gu weneapai ko agbiaha beko
-
Tipa ka karagapai kuti ga Satana kitangbangase, Yekova ambu gene fu ko tipa ko asadi gu ruru kumba re. Satana aye na angbatunga arungosi dunduko kurii Eyobo
-
Ho Eyobo aka ni kuti gako padu ni ruruse, Satana akitingbanga ga aboro pa du ni ruruse dunduko
-
Eyobo amanganga ingapai te, ko agumba nga gbegberẽpai kuti Mbori a te
