Gu burosua nga Ada Namanga Gupai Yekova Akpinyemuhe Areme? I ambakadihe tipa i ni wisigihe na bawiriki Ziazia Kekeapai ti tonatona wirikapai watadu tifuo nyasa wirikapai. * Wirikapai 1 kuti 4 nasa bawiriki Ziazia Kekeapai ni inidi tiní na agu apai du tipa rani, wirikapai 5 kuti 14 na undoyo i wirikipai tipa gaani asunge, na wirikapai 15 kuti 28 nayugo agu apai fuyo gaani riigbu amangaha. Si ni wenepai gbe kaa wirikapai ti kina genehe, kina gu ka sidu nga kura pai kuru si aida i sakipai tipaha. Awirikapai dunduko ti akpewaraga ni basasa, na i rengbe ka sakaha na bawiriki Ziazia Kekeapai vuru aminiti bisue kuti bawe.

• Mo gbeberã ni kuti gu riipai nga ga wirikapai

• Oni gedi wirikapai wa sa nani, oni rengbe arengba ka geda agenewaraga dunduko bara sa watadu kaa gedaha ni betehe kini sakihe

• Mo sakipai tipa gu oni nagedihe. Mo mangisunge na agu asanahe du ti digido kpewaraga yo gbiati asura. Mo gedi averesi na ki sakipai tipaha ka si rẽarẽ wo. Mo sakipai tipa gu umba riiapai du ni bibirihe nga gu nakaragapai kuti bangua riipai

• Ka sidu nga sanduki ho nga “Mo Asadi ka Ino Kura Apai”, oni gedihe wa sa nani, na mo ki ngarasi gamo bawiriki Ziazia Kekeapai ni mangipai kuti gu berãpai re