25:1-12

Wa vura duhe nga Yesu agumba gi sanza du tipa ngasu adee bawe re fu gako mbedimbedi aKristano, gu bangua pai du rogo yo fu aKristano dunduko. (w15 3/1 kpe. 13 genewa. 12-16) “Oni ngere tie, bambiko oni aina nga uru he na gu saa a te.” (Mt 25:13) Ya mo mo rengbe ka saka rogo gi ga Yesu sanza re?

• Gu kumba nadi de (veresi. 1)—Yesu

• Airatatamana, gu ngasu adee nambakadi tiyo (veresi. 2)—Gu mbedimbedi aKristano du ni mbakadimbakadi yo tipa ka manga gayo sunge ni ruruyo, imayo nika kĩ dati digido regbo (Frp 2:15)

• Tatangba ki niwo, niya, “Oni ngere, gu kumba nadi de!” (veresi. 6)—Gu gopai nayugo padu Yesu na ome Kindo beko

• Gu ngasu adee nangia airamungo (veresi. 8) —Gu mbedimbedi aKristano nandu ka gbia gu kumba nadia dee ono nikaa nyenga kaa ngera angera kindi ya na nikaa kanga kuti gayo ruru mangaapai ya

• Gu ngasu adee nangia airatatamana aká ka fu gayo nzeme (veresi. 9)—Tifuo yangara dikohe, ruru mbedimbedi aKristano arengbanga ka undo aguyo adunga ni ruruyo ya te, mbiko regbo ima susa

• “Gu kumba nadi de ki da” (veresi. 10)—Yesu nika ye ka sapangbanga mbembedi kuti digido bakere gberãngbi

• Gu ngasu adee nangia airatatamana arimi na ko ku pati pumbo diadee i ki kisi ngbadimo (veresi. 10)—Yesu nika dungura mbedimbedi aKristano ku ngbangbaturũ yo, ono gu mbedimbedi aKristano nikaa dunga ni ruruyo ya nika zanga gayo mosoro nga ga ngbangbaturũ