• Mo mangisunge na kina gamo adresi. Ka mo bihe nga si arẽnga mo fu gamo adresi te, mo ima rengba ka mangasunge na gu adresi nga ga Bambu Kindo ka abaakumba idihe foro. Ono tie, ka mo YA mangingo sunge na gu adresi nga ga be-basunge ni gamo adresi ya.

• Mo mangisunge na rimo gu boro re ka si du nga mo ima inoho. Si nika sa gupai nga ka si naangeranga wa ka i ya gu waraga re natakapande pa bagaahe ya.

• Mo moiberãro kuti ke bangiri apai ni ruruhe, gu ndiko nga ga tangara afugo ti genehe, na gu nogodinogodi ahe du bangbanda kekeapai. Si naida gu waraga re naangera ni gigirihe, angianga ni bibiriko ho ya. Ka si du nga mo nakehe ni bero, si naida si du taata ka gedaha. Ka aworo ho dunga dunduko wakina ga makatabu ya na ka si dunga wa kungbo waraga a ya.

Gu kpia wai ka ke waraga i namoihe nasakapai tipa gi meme apai re. I amaanga ha tipa gupai nga mo rogodi afugoho nzunzu ti ai gu regbo mo aida ka ke waraga fu boro rogo gamo dagbarago te. Mo ke gamo waraga ringbisihe kuti gupai duhe tipa ha na ringbisihe kuti wai du apai rogo gu dagbarago re na asino.