Yekova nga “betedi Mbori,” naida ani gbia ngbarago ti sunge tungusapai. (1Tim 1:11) Gaani ngbarago nika sona wa ani kaa mbakada gaani birĩ gene tungusapai. Oni fu agu asanahe rengbe ka fõngbadu boro yo nidu na nyemu ka fura. Asanahe nasa boro ni berãkuriipai. (Mt 22:41-45) Ho ani afu asanahe ni na kini degeturani, gure wa ka i nya, ani naya, ‘Mo na nyanyakipa ro fere.’ (Yak 1:19) Ga gu boro re karagapai nika undo rani tipa ani ini wai ka fura na ni wenengai.

ONI BI GU VIDIO NGA ONI GBIA GU NGBARAGO DU TI SA ABORO NI ABAWIRIKI—ONI MBAKADI GAONI GENE TUNGUSAPAI—MANGASUNGE NA ASASANAHE, NA FUOHO, ONI KI KARAGAPAI KUTI AGI ASANAHE RE:

• Gini wene asino Jade ayuguhe?

• Wai gu Neeta amangisunge na asanahe tipa ka yugo nyemupai?

• Wai gu Neeta amangisunge na asanahe tipa ka kiiso ga Jade nyemupai tipa wene pangbanga?

• Wai gu Neeta amangisunge na asasanahe ka undo Jade ri berẽkuriipai?