Gupai namangi aYisaraere rogo gu Kpasakpasarago Nga ga Moaba re nga kpiapai nga ga zahe fu aKristano. (1Kor 10:6, 8, 11) Agu aYisaraere natona ka kodatiyo na agu adee Moaba nangia amangi wasiwasi kodaba gbiati airisi kpiahe, ati kurogo kere ingapai. Na sangbana gipai are adu ni kerehe. (Geda 25:9) Ani nasungo dagba agu abadiasunge, akurase sukuru yo, amurakporo, agume, gbiati agu akura aboro ani na ini yo nga aguyo airisongo Yekova ya. Ginipai rengbe ani ka wirikaha rogo gi pangbanga nga Baibiri re tipa gu kerepai du ti kodatise na ngbatunga agi aboro re?

ONI BI GU VIDIO NGA, AGU AKPIAPAI NGA GA ZAHE DU TIPA GAANI REGBO—PAPARAHA, NA KI KARAGAPAI KUTI AGI ASANAHE RE:

• Gini ngbatunga iraira berãpai Zimiri na kura aboro agumbaha fu Yamina?

• Wai gu Finasa aundo Yamina ko nabi apai ngba ruru gene?

• Gini kparakparapai du ti du na wenesino koyo du gu boro ni angianga boro ndikidi idapase ya gbiati du ni bakurea ni?

• Tipagine si aida ani du tini na rubangirise ho ani asia abakure ni zavura rogo dungurati?

• Tipagine si aida ani ne gu badona nga ga agu aboro du rogo internet ti ni nga aguyo ani ainongo yo ya?