Si taata tipa ani du rogo gberãrago ho du ani ni rogo aˈasada, gbe ho si andu ni tipa gbanga regbo. Davide aima ino gupai nga, gu asada ko aagbiatiko na ni be Bakindo Saura nika nyasa anyasa na ni niyangaraha ko ki da ni bakindo a wa Yekova akidohe. (1Sam 16:13) Ga Davide idapase aundo ko ko du na zerangbaduse na ki sungudi Yekova tipa ko aria gupai ko adu rogoho.

Ka ani du rogo asada, ani ima rengba ka mangapai na birĩ, inohe, watadu gaani rengbanapai nga ga berã tipa ka aria agu apai du ani rogoho. (1Sam 21:12-14; Snz 1:4) Ono tie, ani ima rengba ka mangapai na omerani dunduko ringbisihe kuti agu arugute nga ga Baibiri tipa gaani kpakarapai, ono si kini ndu kindi kumbatayo. Rogo ngbatunga pai wa gure, si naida ani du na zerangbaduse na ki sungudi Yekova tipa ko mangipai. Barambeda, ko nika nyasariipa gaani akpakarapai dunduko na ki ‘wege aume’ ti bangirani ku sa yo dunduko. (Yugo 21:4) Singia gaani zereda rengbe na ye mbiko gupai ka Yekova mangihe watadu mbiko gu kura pai, gupai sa du ani na kido kuti ni nga: Aˈasada dunduko du na kina digidoho ti ni. Pa ino ani gi rengo re ima rengba ka fu bete wasa furani.

ONI MOI GU VIDIO NGA AGU ABORO DU NA KODATISE ROGO GU ZEGINO DU NA KPARAKARO, FUOHO, ONI KI KARAGAPAI KUTI AGI SANAHE RE:

• Gini akpakarapai gu kura aKristano naadu Amerika ku sudiyo agbiatiyo na ni?

• Waigu i ayugu gu sino nga ga zerangbaduse gbiati nyemuse?

• Waigu i andu kindi kumbatayo kaa maa berãyo kuti “agu apai du na nyanyakipaha gbe”?​—Frp 1:10 NW