RAKA NI AKRISTANO
Geda Baibiri na Aˈuru dũ na Kini Gbata Tatamana
Gu tatamana nga ga Mbori na nyanyakipaha wakina okooko ũkumuko. (Snz 2:1-6) Tatamana naundo rani ani du na rugatinapai na ki mangi wene adiaberã. Si nabanda rani. Sidu tie, “tatamana” na nyanyakipaha gbe. (Snz 4:5-7) Si naida na ome ka gbata gu nyanyakipa ahe nga ga toro nga gu du ni okookoho rogo Fugo Mbori yo. Ani rengbe ka tonaha ni geda ani Fugo Mbori “uru na yuru”—nayugo pa gedaha na aˈuru dunduko. (Yos 1:8) Ani bingo bete aberãpai nga gu rengbe ka undo rani ani naageda Fugo Mbori dedede na kini gbia ngbarago ti ni.
ONI BI GU VIDIO NGA PARANGA ABORO IMA WIRIKA WAI KA KPINYEMU FUGO MBORI, NA FUOHO, ONI KI KARAGAPAI KUTI AGI ASANAHE RE:
Gini akpakarapai agi aparanga aboro re agbiatiyo na ni ho i aˈasada ni kaa geda Baibiri na aˈuru dunduko na ginipai naundo yo?
-
Melanie
-
Samuel
-
Celine
-
Raphaello
GIMI MBAKADAPAI TIPA GEDA BAIBIRI:
