Ani na avidio biama nga ga wisigo Baibiri ani amangasunge na ni gene tungusapai yo. Gini ndupai i a mbakadi agi avidio re nibasasa dunduko tipaha?

• I ambakadi gu vidio nga Gupai Si Aida Mo Wiriki Ziazia Kekeapai Ti Ni—Gu du ni gbangaha tipa si ba nyemu wisigo Baibiri ti aboro, ka i vura du kina rogo gini pambori vurũ. Si nangarasa agu aboro nabihe tipa i gbata akaragapai rogo Baibiri yo kuti gayo kikindigipa asanahe nga ga raka na si nayugo gu ndikidi akaragapai du rogo Baibiri yo. Si nasakapai tipa wai ka sanahe tipa wisigo Baibiri.

• Gupai Si Aida Mo Wiriki Ziazia Kekeapai Ti Ni? (gu du ni guruhe) si wa kina gu du ni gbangaha ono si dagba guruhe. Si ima rengba ka du ni wenehe tipa tungusapai rogo gu dagbarago adunga aboro na regbo beyo tipa ka fura ni gbangaha ya.

• I ambakadi gu nga Wai Du I Naawirika Ziazia Kekeapai? tipa si ba nyemu gu gaani mbakadapai nga ga wisigo Baibiri na aboro gbua zanga tumo tipaha na ka fu akaragapai kuti agu asanahe aboro narengbe ka sanahe tipaha, kodihe na wai ka sanahe tipa wisigoho.

• Gu kuraha nga Ani na Diaro Kugume Kupati Gamo Wisigo Ziazia Kekeapai, i ambakadihe tipa yugoho fu abawiriki. Wa vura duhe nga i yugu gu vidio re ti kpewaraga ue nga ga gu buku nga Mo Raki Nyeanye Kindi na Ngbarago!, i ima rengba ka yugoho a ti regbo gu sakapai nga ga gu burosua nga Mo Raki Nyeanye Kindi na Ngbarago! Gu vidio re na gu memeapai rogoho nga gu du rogo gu buku re gbiati agu apai nga gu si aidaha be bawiriki Baibiri ti regbo sakapai.

Wa vura duhe nga i akusi agi avidio re tipa ndu apai ni basasa, ani ima rengba ka yugo ai gu fu boro watadu ka kedaha fu ni ho daha ada ni. I nangarasa abatungusipai tipa i inidi tiyo na agi avidio re wenengai wa ka i mangisunge na ni wenengai gene tungusapai yo.