Bakumu Fugo: Ka mo bingoho nga si naida mo sakirogo apai yo asaka dunduko ya. Yesu amangi sunge na asasanahe tipa ka sa aboro i berẽ na ki da kuti pai ni tiyo. (Mt 17:24-27) Asasanahe nasa wirikapai si du wenengai na ki undo ro mo ini singia gu boro mo awirikapai nani girogoyo gbiati agu apai idi ni kuti ni. (be-E kpe. 253 genewa. 3-4 watadu be-F kpe. 253 genewa. 3-4) Ho mo asanahe ni, mo du na zerangbaduse ka pido karagapai. Ka si dunga gu boro mo awirikapai nani re fu gu karagapai arunga ya, kuba gupai nga mo pe ruru karagapai fu ni, mo mangisunge na kura asanahe tipa ni gbia karagapai ni kina tiní. (be-E kpe. 238 genewa. 1-2 be-F kpe. 238 genewa. 1-2 ) Mo nifura na bangbandaha tipa bawirikipai ini gupai mo afura tipaha—be-E kpe.230 genewa. 4 watadu be-F kpe. 230 genewa. 1-2.

Ka Sa Wirikapai Ni kpakarakpakaraha: Mo he gupai nga ka gumba agu apai dunduko mo nainihe tipa gupai oni awirikaha. (Yo. 16:12) Mo moiberã ro kuti gu memepai du rogo gu genewaraga re. (be-E kpe. 226 genewa. 4-5 watadu be-F kpe. 226 genewa. 4-5) Gumba gu rukutu wiri apai dunduko zavura gu ngbaangba, ima rengba ka ingisa memepai. (be-E kpe. 235 genewa. 3 watadu be-F kpe. 235 genewa. 3) Ka bawirikipai ta ruga tiní na memepai kindi, oni ki gbisi kuti kura genewaraga.

Ka Nyasa Badungu Agenewaraga: Gaani memepai nga ka zio ngbadu boro yo, angianga ka nyasa badungu agenewaraga ya. (Rk. 24:32) Mo mangisunge na gu ome duti fugo Mbori ni manga mo sunge na gu meme averesi du rogo gu wirikapai re. (2 Kor. 10:4; Eb. 4:12) be-E kpe. 144 genewa. 1-3 watadu be-F kpe. 144 genewa. 1-3) Mo mangisunge na akpiapai. (be-E kpe. 245 genewa. 2-4 watadu be-F kpe. 245 genewa. 2-4) Mo ini gu kpakaraapai nga ga gamo bawirikipai na gani aida, na mo ki aria gu wirikapai re kuti ni. Mo fu asanahe wa: “Mo nabi gipai mo awirikaha re wai?” “Ginipai gipai re ayugoho foro tipa Yekova?” “Gini undo rengbe mo ka gbiaha ni manga mo pai kuti ngbatunga agu arugute re?”—be-E kpe. 238 genewa. 3-5; kpe. 259 genewa. 1 watadu be-F kpe. 238 genewa. 3-5; kpe. 259 genewa. 1.