RAKA NI AKRISTANO
Ho Du Kina Gude Ni Kporo
Ka ani bi kina gude kporo, si naida ani sanahe tipa avungu ni. Gere nika yugo gaani iriso kuti gayo pagbia. (Snz. 6:20) Ka gu gude re ya furani ani sungu asungo, si aidanga ani idihe te. Ka avungu ni adunga kporo ya si naida ani karaga tirani berewe ti kura regbo.
Ka si vura du nga wiri ngangarã gude du, si naida aida ani sanahe tipa avungu ni. Ka avungu ni adunga kporo ya, ani rengbe na sana ni si ngia avungu ni naaidaha funi tipa ni nigedi kura awaraga. Ka si du nga ni naageda kura awaraga ageda, ani rengbe ka fu awaraga watadu ka yugo gaani bangiriba nga jw.org fu ni.
Ho ani ka karaga tirani ni fuo gu gude nadu na nyemupai, si naida ani sana ni tipa avungu ni. Gere nika undo rani tipa ani saki ndu pa gaani ye na ki yugu gu wene arugute du rogo Ziazia Kekeapai yo tipa aborokporo. (Tam. 119:86, 138) Ho ani ayugo irisa ni fu avungu agude, si nga wene dezirepai na si rengbe ka fu momu furani tipa ani tungusipai fu gayo aborokporo.