Ya mo mo nagbia ngbarago ti agu avidio gbiati agu asanahe du rogo gu buku nga Mo Raki Nyeanye Kindi na Ngbarago! nga gu nasa boro niberẽ? Na ginipai tigaha du tipa agu apaparaha nga “Gu Kura Aboro Nape Gupai Nga,” “Sásá,” na “Mo Weteke gu Kura Apai”? Gini kura apaparaha berewe rengbe ka du na undo ti ni ho mo awisigo Ziazia Kekeapai ni na boro?—Mt 28:19, 20.

Avidio na asura: Ka mo sia ka nungusa wisigo Baibiri rogo gbingbidagbingbida buku, waigu rengbe mo ka gbia agu avidio du rogoho gbiati gu kura kekeapai rogo basa? Mo ndu kurogo gu ngbatungaha du rogo aũ erekturoni, mo sia paparaha sa dagba agu apaparaha du biama. Ti digido gu tangaratangara riipai du kusende yo, mo sia asura gbiati gu kura kekeapai du tipa gu paparaha re. (Oni bi sura 1.)

Ariaha ku rogo “Gu Ngbatungaha i Nagbingbidaha”: Ka si du nga mo nawisigopai na boro rogo aũ erekturoni, mo ima rengba ka gbia undo ni bakerehe ni manga mo sunge na gu paparaha nga ariaha ku rogo “Gu Ngbatungaha i Nagbingbidaha” ti regbo wirikapai na baha. Fuo zaka mo wirikapai, mo norõhe rii gu nogodinogodi ahe du biata bariihe ku kumbabee yo na ki sia gupai nga “Printed Edition.” Wai si nikaa ngera nika undo ro mo naaberã kurii wai gupai oni asakaha andu sa na gu memepai du rogo gu wirikapai re. Tipa ka karaga tiro kuti gu ngbatungaha nga ga erekturoni, mo norõhe rii gu nogodinogodi ahe du biata bariihe ku kumbabee yo berewe na ki sia gupai nga “Digital Edition.”

“Ya Mo Mi ima Rẽ?”: Gi sanduki du bara ti digido buku yo re nayugo gu bete apai rengbe ka sa boro ni rẽ ka tona tungusapai na dungurati na ki zi bapatiza. (Oni bi sura 2.)

Gu Rukutu Kekeapai du ti Digido gi Buku Re: Gu rukutu kekeapai du ti digido gi buku re nayugo gu kura kekepai nasaka rogo gu kura nyanyaki apai yo. Gu ngbatungaha du rogo aũ erekturoni na gu paparaha rogoho ti digidoho yo rengbe mo ka norãhe riihe si ki karaga ro ku rogo gu wirikapai oni nidu rogoho. (Oni bi sura 2.)