Sawiahe ima rengba ka imisa rani ti kpotorani watadu berãrani yo. Si ima rengba a ka rungburasi gaani pagume na Yekova ka si du nga ani nagunde agunde ho i asoga gaani irisimbori ni. Waigu rengbe mo ka banda tiro be sawiahe?

Dungu aDezire Yekova aima du na rengba ka mangapai kuti sawiahe na ki du na diabese mbiko kidoyo kuti Yekova. (Tam 18:17) Ni kpiapai, Esetere afura tipa ka kusa gu buro nangia ga gu gbegberẽ sino kumba nangia Amana. (Est 7:​1-6) Mbata fu ri mangi gupai re, ri ayugu gari kido kuti Yekova ni gino ri riahe. (Est 4:​14-16) Yekova afu maku fu ri na ki banda ri gbiati gari aboro.

Paranga aboro, ka si dunga oni nagbia tironi na sawiahe, oni sana Yekova tipa undo na ki fura na sosono boro wa avunguroni tipa gupai re. Oni ima rengba ka du na gu kido nga Yekova nika undo roni aundo kina wai ko aundo Esetere. Gini kurapai berewe rengbe oni ka mangaha ka diabe sawiahe?

ONI BI GU VIDIO NGA GIMI RAKA NI PARANGA GUDE—WAIGU RENGBE MI KA MANGAPAI KUTI RUNGOSIRO? FUOHO, ONI KI KARAGAPAI KUTI AGI ASANAHE DU RE:

• Ginipai rengbe paranga aboro ka wirikaha ti gu kpiapai nga ga Charlie na Ferin?

  Gamo karagapai

• Ginipai rengbe avunguagude ka wirikaha ti agu afugo aCharlie na Ferin ni gumbaha nibipa mangapai kuti sawiahe?

  Gamo karagapai