Badungu aboro na gbegberẽ bipai tipa agu aboro du na pagbia beyo. Da rengbe ka bira yo? Rogo gu pangbanga yo nga ga aboro, aboro aima mangapai na gayo pagbia ngba gbegberẽ gene tipa ka gbia undo tipa kina tiyo. (Mika 7:3) Nga gi wenepai tipa kadu na abaakumba rogo dungurati nga aguyo niima gbia rabahe tipa wai ka mangasunge na gayo pagbia tipa gu weneapai nga ga ga Yekova aboro.—Est 10:3; Mt 20:​25, 26.

Abaakumba kia ti agu aboro du na pagbia rogo zegino, i namanga gayo sunge ngbembatayo mbiko i ima kpinyemu Yekova na gako aboro. (Yo 21:16; 1Pet 5:​1-3) Tiibe ga Yesu rugapai, agi abaakumba re naundo abatungusipai tipa i bi tiyo nga i kina dangba ga Yekova aborokporo na kidu mbembedi na Yekova. I ti aregbo dunduko regerege ka fu undo nga ga toro fu ga Yekova akandoro na ka undo ho tunguotunguopai nga ga kaza akura ni watadu gberãngo. Ka mo aida na undo, mo fura na bakumba rogo gamo dungurati—Yak 5:14.

ONI BI GU VIDIO NGA AGU ABABANDA AKANDORO NANGERA FUO AKANDORO, FUOHO, ONI KI KARAGAPAI KUTI AGI ASANAHE RE:

• Wai du Mariana agbia undo tigu ngarasaro bakumba afuhe fu ri?

  Gamo karagapai

• Wai du Elias agbia undo tigu ngarasaro bakumba afuhe fu ko?

  Gamo karagapai

• Waigu du agi apangbanga re namaapai kuri ro nibipa gu sunge abaakumba amangaha?

  Gamo karagapai