RAKA NI AKRISTANO
Avunguagude—Oni Undo Awironi I Gbia gu Tatamana Nga ga Mbori
Gene sa dagba gu wene agene yo nga gu rengbe avunguagude ka undo awiriyo ngbaha tipa i gbia gu tatamana nga ga Mbori nga, ni undoyo yo i gbia undo ti agu adunguratise nga ga aKristano. Agu apai rukutu agude abihe, kini gihe na kini fura tipaha rogo gayo akaragapai ti regbo adunguratise ima rengba ka undo yo tipa i wirikipai tipa Yekova na ki da ni mbembedi abakureako. (Pa Rug 31:12, 13) Ka sidu nga vungugude nga mo, waigu rengbe mo ka undo wiro tipa u gbia bakere undo ti regbo adunguratise?
-
Oni mangi ome a wa rengbe omeroni na ni tipa kadu pati adunguratise Bambu Kindo yo.—Tam 22:22
-
Oni di regbo kaa fura na awirina Bambu Kindo yo mbata fu adunguratise na tingbafuo ho.—Eb 10:25
-
Oni bi gupai nga aborokporo dunduko na gu waraga i awisigoho ti regbo adunguratise beyo, singia rogo terefuni watadu gbingbidagbingbidaha
-
Oni undo awironi tipa i mbakadi karagapai kina rogo fugoyo yo.—Mt 21:15, 16
-
Oni niifura wenengai tipa adunguratise gbiati agu arugapai ani agbiaha yo
-
Oni undo awironi tipa i nafubee kuti agu asunge du wa giriso Bambu Kindo gbiati fura na sosono aboro rogo dungurati
Pa undo oni awironi i mbedi na Yekova naida na bakere sunge, na si ima rengba kadu ni mbumbuhe ti kura aregbo. Ono tie, oni ima rengba ka kido kuti Yekova tipa undo.—Yes 40:29.
ONI MOI GU VIDIO NGA AVUNGUAGUDE, ONI KIDO KUTI YEKOVA NA GAKO OME, FUOHO, ONI KI KARAGAPAI KUTI AGI ASANAHE RE:
-
Gini sangbanapai mbugo adu na ni kurii aZack na Leah?
-
Tipagine si aida avunguagude naakido ti ni kuti Yekova tipa ome?
-
Gini agene aZack na Leah akido kuti Yekova ngbaha tipa kadu na diabese?
