• Tam 80:1—Tipagine i amangisunge tini ti kura aregbo na rimo Yosefa tipa ka fura tipa agu angbatunga nga ga aYisaraere? (it-2-E kpe. 111 watadu it-2-F kpe. 53)

  Gamo Karagapai

• Gini nyanyakipa ahe nga ga toro rogo gu geda Baibiri nga ga gi poso re mo aida ka fura tipaha?

  Gamo Karagapai

Satana atona gbarasa rimo Yekova ati Edene yo. Natona ti gu regbo re, gu nyanyakipa diaberã nga gu rengbe aboro dunduko na amaraika ka mangaha nga ka sia singia i nika ziasi rimo Yekova watadu ka zanga mangaha wo.

Mo berẽnga kurii gu iiriwo aziree nga gu Satana nagbandakaha tipa Yekova. Ko na kitangbanga Yekova ya ko nga gu bazogo du ni zingizingi ni adunga nyemuse tini ya. (Bam P 3:​1-6; Eyo 4:​18, 19) Ko nagumba gupai nga airisi Yekova akpinga nyemu ko akpi nzunzu te. (Eyo 2:​4, 5) Ko ima sa amirioni aboro i idi kuti gupai nga Yekova nga Bakusi gi bawene zegino du ani rogoho re te.—Rom 1:​20, 21.

Waigu agi aziree re asa ro mo du? Si nawira wa, si nasa ro mo ru nyanyaki ka songodapai kubara Yekova yo! Ko aima ino gupai nga gako aboro nika ida aida ka undo na ziasi rimoko. (Oni ringbisihe na Yesaya 29:23.) Waigu rengbe mo ka undo?

• Mo undo gu kura aboro i ye ka ino Yekova na kini kpinyemu ko. (Yo 17:​25, 26) Mo du nga regerege tipa ka yugo gu gopai nayugo gupai nga Yekova kina ti ni na kini yugupai fu gu kura aboro tipa gako wene asino.—Yes 63:7

• Mo kpinyemu Yekova na kpotoroyo du. (Mt 22:​37, 38) Mo gi sangba ga Yekova arugute angianga mbiko gupai gbua nga si ni wenehe foro ya ono mbiko gupai nga mo naida ka sa ngbarago tiko.—Snz 27:11

Oni moi gu VIDIO nga Nyemuse Adigongo te ka si Vura du Vurũ Nga . . . Mo Rogo gu Sukuru Zanga Sinombori. Tingbafuoho, mo ki sana agu aboro du pati dunguratise nga:

• Waigu aAriel na Diego asongodipai kubara rimo Yekova yo?

  Gamo karagapai

• Ginipai nasayo i songodipai kubara Yekova yo?

  Gamo karagapai

• Waigu rengbe mo ka wirika gayo kpiapai?

  Gamo karagapai