• Tam 92:5—Waigu agi afugo re asakapai wenengai tipa ga Yekova tatamana? (cl-E kpe. 176 genewa. 18 watadu cl-F kpe. 211 genewa. 18)

  Gamo karagapai

• Gini nyanyakipa ahe nga ga toro rogo gu geda Baibiri nga ga gi poso re mo aida ka fura tipaha?

  Gamo karagapai

Agu aboro nairiso Yekova nabaka bangiriyo abaka. Ni kpiapai, Davide aima gbiatiko na abakabangirise bara dunguhe rogo gako raka yo, na kina gu bangisapai re du tipa dungu awirinarani areme. (Tam 13:2; 139:23) Si nafu kina gberãrago nga, zavura paranga aboro nagbiatiyo agbia na gipai re. Ti kura aregbo, bakere bakabangirise ima rengba ka sa agu apai ani naamangaha ti aregbo dunduko ni kpakarakparaha furani wa gu nga nduge ku sukuru yo watadu nduge tipa adunguratise. Si ima rengba ka sarani ani naagunde watadu si ima rengbe ka ye na gbegberẽ aberã kurirani yo wa gu nga ga imotise.

Paranga aboro, ka si dunga oni nagbia tironi na bakere bakabangirise, oni fura na avunguroni watadu gu gaoni sosono aboro naima nyaka. Oni sana Yekova rogo kparakpee yo tipa gako undo. (Frp 4:6) Ko nika undo roni aundo. (Tam 94:​17-19; Yes 41:10) Oni bingo gu kpiapai nga ga Steing.

Oni moi gu VIDIO nga Yekova Angere Fuo Re. Tifuoho, mo ki sana agu aboro du pati dunguratise nga:

• Gini veresi nga ga Baibiri naundo Steing, na tipagine?

• Waigu Yekova angere fuoko?

Avunguagude, oni rengbe ka undo awironi i dibe bakabangirise ni dega oni turoni fuyo na zerangbaduse, ni yugo oni nyemuse fuyo, na kini undo yo i sonosi kido kuti ga Yekova nyemuse. (Tito 2:4; Yak 1:19) Mo kido kuti Yekova ko fu wasa foro na gu ome mo aidaha tipa ka songoda awiro.

Ani aregbanga ka ino gu regbo boro asusa rogo gu kpakarapai nga ga bakere bakabangirise rogo dungurati watadu ka rugatirani na gani aberã te. Wa vura duhe wo, ani ima rengba ka undo agu aboro dunduko du rogo dungurati i bihe nga ani ima kpinyemuyo na ani naida aida na yo.—Snz 12:25; Eb 10:24.