Ga Moize aNdiko aaida na gupai nga, gu kumba naberã pa mbu dee ni fu waraga mbutise nga gu du kuti ndiko. Gipai re asa gupai nga ka mbutise dunga taata ya. Ono tie, ti rago Yesu, abarumbatayo rogo pambori asa pa mbutise taata. Akumba anaambu adiayo tipa ai ndupai. (nwtsty kekeapai tipa wisigopai tipa Mk 10:4, 11) Yesu agbeberã kuti gu rengo nga, Yekova du nasigira mburu rogatise. (Mk 10:​2-​12) Kumbakudee na diako nada “ni boro sa” ni gu kodatise nyeanye kindi. Gu yangara ndupai sa du tipa mbutise nga, “bari.”​—Mt 19:9.

Areme, badungu aboro nabi rogatise anginga wa gu Yesu aabihe ya, ono wa gu aFarusi aabihe. Ho kpakaraapai akura ni, aboro zegino nambutiyo ni kina ipo. Ono tipa agu arogotise nga aKristano tigayo, i nabi agu azungahe nga ga rogatise na nyanyakipaha na i namanga asadatise ka diabe gayo kpakaraapai ni mangayo pai kuti agu arugute nga ga Ziazia Kekeapai. Fuo oni bi gu vidio nga, Nyemuse na Irisa Nakoda Aborokporo, oni karagapai kuti agi asanahe re:

• Wai gu rengbe mo ka mangasunge na Asanza 15:1 rogo gamo rogatise, na tipagine duhe ti ni ni nyanyakipa pai?

• Wai gu rengbe mo ka ne kpakaraapai ni manga mo sunge na Asanza 19:11?

• Ka si du nga gamo rogatise ima mbeda ka gburuwa, kuba gupai nga mo niberẽ gupai nga, ‘Ya mo si naida ani mbu tirani?’ gini asanahe rengbe mo ka wisigoho?

• Wai gu rengbe mo ka du ni wene kumbakudee watadu diakumba ni manga mo sunge na Matayo 7:​12?