9:​1-7

Mo makianga pa wai Yesu adu ho ko agi fugo Bako ni ngbangbaturũ yo ko ni takipande gupai ti gu regbo kpotoko asa tihe ni nga, Ko ima ida na gako pai. Zanga kapa, si aima nyakasa Yesu tipa gu rungosi ko aandu ka gbia tiko na ni. Gi yuguyugupai re aima du na bakere ome a kurii Petero, Yakoba, gbiati Yoane. Gi yuguyugupai re asa yo i rugutiyo na gupai nga Yesu nga Masiya, na i adu na rengo beyo kaa degatuyo fuko. Fuo agarã 32 kusa, Petero aatingida pa gu pai re kindi na wai si anyakasi gako idapase kuti “tungusitungusi pai”.​—2Pet 1:​16-​19.

Wa vura duhe nga, ani aabingo gi iiriwo yuguyugupai re ni tirani te, ani nabihe abi si nidigisitihe. Yesu nazogarago ni gu Bakindo du na bakere ome. Bara mbeda, ko nika “dia be apai,” ki zaki gene tipa gu zegino ruruapai nika nye rogoho.​—Yugo 6:2

Wai gu pa bi mo digisidigisi sangbaanebi nga ga Ziazia Kekeapai nanyakasi gamo idapase?