Wa ani ahipai rogo gi yangara auru nga ga ‘yangara areme’ re, ani ima ino gupai nga akpakarapai nikaa kio kina kumbatayo gbe. (2 Tim 3:1; nwtsty gu rukutu kekeapai du tipa Mt 24:8) Ho ani agbiatirani ni na agberãngo, ga Yekova aboro dedede ninaagbia arugapai nga gu du tipa wai ka batasa ungayo. Ani rengbe ka bata kina gu ka ani mangipai kuti gupai i apehe furani nga ani mbakaditirani awere, rogo toro yo na rogo borose yo.—Rk 16:10.

• Mbakadatise rogo toro yo: Mo mangi wene mbakadapai tipa agu apai mo amangaha na auru dũ. Mo wiriki angbatunga gene tungusapai ni bakiakia. Ka gunde zingo ro ho ka si du ni nga mo ni kparakpara ro ti kura aboro rogo dungurati ya. (Yes 30:15) Anga mo ni kparakpara ro ti Yekova na Wiriko nga Yesu Kristo te.—od kpe. 176 genewa. 15-17

• Mbakadatise rogo borose yo: Kupati gu umba mangu ahe rengbe boro ka ora na ni niipo, riikporo nibasasa si aida i igi bete riahe, ime, dawa gbiati gu kura ahe nga gu rengbe yo ka mangasunge na ni tipa wiri gbanga regbo ka si du nga si naida i oro kaa raka rogo gu kura ba.—Snz 22:3; g17.5-E kpe. 4, 6

ONI MOI GU VIDIO NGA, YA MO ONI IMA MBAKADATIRONI TIPA GU GBERÃNGO NAYE BE OME ZEGINO? NA FUOHO, ONI KI KARAGAPAI KUTI AGI ASANAHE DU KUSENDE RE:

• Waigu rengbe ani ka mbakadatirani rogo toro yo tipa gberãngo?

• Tipagine du si aida ani. . .

  • naafura dedede ti ni na abaakumba?

  • mbakadi bara ahe ti ni ku rogo gu mangu nga ga tunguotunguopai?

  • sakipai tipa gu ngbatunga agberãngo rengbe ka manga na gupai rengbe ani ka mangaha tipa abangiriaba ni basasa?

• Gini agene biata rengbe ani ka undo aboro ngbaha ho i agbiatiyo ni na gberãngo?

MO SANANGA TIRO NGA, ‘Ginipai rengbe mi ka wirikaha ni bi pa mbakadatise ti gu gberãngbi namanga mbiko gu kaza nga Korona?’