Wa ngia ani kpakpa aboro, ani naasota dedede tipa ka sa gaani nyemuapai ka si dunga na maapai kurii rani ya. Ka ani amanga agu apai dunduko ani aidaha, ani ima rengba ka manga gupai nika ba gberãrago ti Yekova. Ni kpiapai, kura aboro nakpinyemu riahe, aroko gbiati abambu kisusi Mbori. Kura aboro na mbiisa gu gayo nyemupai nga ga kodaba rogo agu agene nakuo gako arugute. (Rom 1:26, 27) Berewe a, kura aboro nambu akurayo i sa yo i mangi gupai du ni irairaha mbiko i naida agu aboro re idi na gayo pai.​—Gate 23:2.

Waigu rengbe ani ka banda gaani nyemuapai? Si naida ani mangi ome tipa ka maaberã rani kuti manga gupai nafu ngbarago fu Yekova. (Mt 4:4) Si naida gupai a nga, ani sana Yekova tipa ko undo rani ani banda gaani nyemuapai. Tipagine? Bambiko ko ima ino gupai du ni wenehe tipa rani na ko ima ino wai ka mbisa gu gaani nyemuapai du ni wenehe.​—Tam 145:16.

ONI MOI GU VIDIO NGA KA MO MBUNGA RAKA RO SI GUNDU NA NGIME YA, NA ONI KI KARAGAPAI KUTI AGI ASANAHE RE:

• Tipagine kura aboro naavu gundö ti ni?

• Ginipai rengbe vugundö ka manga boro na ni?

• Tipagine du angbatunga gundö dunduko ti ni ni gbegberẽhe?​—2Kor 7:1

• Waigu rengbe mo ka ká gundö kube boro watadu ka mbu vuru?