Tipa ka sa ngbarago ti Mbori, si naida abawiriki Ziazia Kekeapai sonosi nyanyaki idapase. (Eb 11:6) Ani rengbe ka undoyo i mangi gipai re ni manga ani sunge na gu buku nga Mo Raki Nyeanye Kindi na Ngbarago! Gi buku du tipa wisigopai re na meme averesi, wene sakarogoapai yo, wene asanahe, wene avidio, gbiati wene asura. Ani nadua guhe ka we agbarasanga paha ya ni undo ani abawiriki Baibiri i sonosi gu sino nga ga aKristano na ki sonosi gayo pagume na Mbori.​—1Kor 3:12-15.

Kura aboro kinaho duhe fuyo niba mbumbuhe i berẽ gupai nga i rengbe kadu ni bakurea Mbori, nga guko ka i abingo ko ya. Sidu, si naida ani undo yo i ini Yekova gbiati gu wene asino du tiko.

ONI MOI GU VIDIO NGA MO SONISI GAMO IDAPASE KUTI YEKOVA, NI MANGA MO SUNGE NA GU BUKU NGA MO RAKI NYEANYE KINDI NA NGBARAGO!” NA ONI KI KARAGAPAI KUTI AGI SANAHE RE:

• Waigu ani aino gupai nga gu wirina re niima mbakada tiri wenengai tipa wirikapai?

• Waigu ri nimangisunge na wene siakasiaka asanahe tipa ka undo nawiriki Ziazia Kekeapai tipa ri pe gari berãpai tipa gupai du rogo Yesaya 41:10, 13?

• Gini maapai vidio gbiati veresi nidu na ni kurii gu nawirikipai re?

Dungu aboro ainongo pai tipa motumo tumorii ya, watadu abingo ho nga si nga ga Mbori gamahe tipa yo ya. (Gara 2:20) Sidu, si naida ani undo yo tipa i sonosi idapase kuti gu motumo tumorii nga ga Yesu.

ONI MOI GU VIDIO NGA MO SONISI GAMO IDAPASE KUTI YESU, NI MANGA MO SUNGE NA GU BUKU NGA MO RAKI NYEANYE KINDI NA NGBARAGO!” NA ONI KI KARAGAPAI KUTI AGI SANAHE RE:

• Waigu ani aino gupai nga gu wirina re niima mbakada tiko wenengai tipa wirikapai?

• Waigu ko nimangisunge na gu paparaha nga “Mo Weteke Gu Kura Apai” tipa ka undo bawirikipai?

• Tipagine du manga kparakpee ti ni nyanyakipaha fu bawiriki Baibiri?