Padu ani na gu nyemuse adunga gbangbati ti ni ya, nasarani ani du na gu kido nga awirinarani nika manga wene adiaberã amanga. (1Kor 13:4, 7) Ni kpiapai, ka wirina mangi ingapai na ki gbia rugute tipaha, ani nadu na gu kido nga ni nika mangapai amanga kuti gu asadatise i namangihe ka undo ni. Ani nadu na zerangbaduse na agu aboro du gayo idapase ni rurungburaha na ani naʹasada ka undo yo. (Rom 15:1) Ka boro kuru kusayo rogo dungurati, ani nadu kindi na gu kido nga ni nika karaga ti ni akaraga rogo gu kura uru sa.​—Rk 15:17, 18.

ONI MOI GU VIDIO NGA ONI TINGIDIPA WAI NYEMUSE AMANGAPAI​—GAHA MAABANGIRISE ANYASANGA TE, NA ONI KI KARAGAPAI KUTI AGI ASANAHE RE:

• Waigu ga Abinera padu ni ruruse aˈariatihe?

• Waigu aDavide na Yoaba amangipai nibasasa kuti ga Abinera sanahe?

• Tipagine si aida ani naamaa bangirani ti ni kindi tipa gupai du ni wenehe tipa awirinarani?