Wa digido gi sinoraka re ambeda ka digo, ani ima ino gupai nga vunduvunduapai nga ga birĩ zogarago ngba arikoho nibasasa nikaa kio kina kumbatayo. (Yugo 6:4) Waigu rengbe ani ka mbakada tirani tipa gu kpakaraapai du kumbatayo?

• Mo mbakadi tiro rogo toro yo: Mo ini pa agu arugute nga ga Baibiri gbiati agu apangbanga nanyakasa gamo kido kuti Yekova gbiati gako riigbu nga gu naundo ro mo banda gamo kparatise ti zegino. (Snz 12:5; jr-E kpe. 125-126 genewa. 23-24 watadu jr-F kpe. 125-126 genewa. 23-24) Gere nga regbo tipa ka sonosa nyanyaki pabakure rogo dungurati.​—1Pet 4:7, 8

• Mo mbakadi tiro rogo borose yo: Mo mbakadi tiro na bete ariahe tipa wai ka oni du adu wenengai ka gene adunga mo kuru tiikporo ya. Berewe a, mo ini pa gupai ka mo mangihe ka si da nga si naida mo oro kusayo kporo. Mo wisigi agu ahe du rogo gamo mangu nga ga tunguotunguopai, na mo ki kodi aũbandatise be akaza ku rogoho yo. Mo ini wai ka gbia abaakumba, na mo ki yugu wai fu abaakumba rengbe yo ka gbia ro.​—Yes 32:2; g17.5-E kpe. 3-7 watadu g17.5-F Kpe. 3-7

Ti regbo vunduvunduapai nga ga birĩ zogarago, mo kakuti agu apai mo naamangaha dedede kaa iriso Yekova, wa gu nga kparakpee, wisigopai nisase gbiati adunguratise. (Frp 1:10) Mo bandatiro ti ta bau kina gu ka si rẽarẽ. (Mt 10:16) Mo undo gu kura aboro na guhe kadu bero wa riahe watadu gu kura ahe.​—Rom 12:13.

ONI MOI GU VIDIO NGA YA MO MO MBAKADI TIRO TIPA GBERÃNGO? NA ONI KI KARAGAPAI KUTI AGI ASANAHE RE:

• Waigu rengbe Yekova ka undo rani ti regbo agberãngo?

• Gini apai rengbe ani ka mangaha tipa ka mbakada tirani?

• Waigu rengbe ani ka undo agu aboro gberãngo nati kuriyo?