Dedede Satana gbiati apefuoko ni naakoda ziree na rengo tipa ka rungburasi gaani idapase. (2Kor 11:3) Ni kpiapai, aAsuro amangisunge na gupai naadu na kina bete rengo rogoho gbiati kere azire tipa ka zeresa kpoto ga Yekova aboro yo. (2Peka 32:10-15) Abasamungu namangasunge na kina gu bangisa abirĩ re areme a. Waigu si aida ani mangipai kuti agu ayugopai nga ga abasamungu? Oni naabi gayo apai wa kere simi! Ka mo ya gedinga ha ya, ka mo ya karaganga pai kuti ni ya, na ka mo ya gumbanga ha fu gu kura aboro a ya. Mo asadi ka ino agu apai niipo i nambakadihe tipa si kusi kapa rogoraniyo tipa Yekova gbiati gako riigbu—na mo ki ká ha!—Yuda 3, 4. 

ONI MOI GU VIDIO NGA ‘ONI SOVURA ZAAZA TIPA IDAPASE’!—PAPARAHA, NA FUOHO, ONI KI KARAGAPAI KUTI AGI ASANAHE RE:

• Tipagine si aida ani du ti ni na rubangirise ka si du nga ani namangasunge na abangiriba nga ga internet?

  Your answer

• Waigu rengbe ani ka pekafuo gu rugute du rogo ARomo 16:17?

  Your answer