Tona fugo na aboro nga gene sa dagba gu wene agene yo du ni wenehe tipa ka manga dezirepai. Wa vura duhe wo, ani ima rengba kadu na gunde tipa ka tona fugo na boro ka si du nga ani namaaberã rani gbe kina kuti pa wai ani nika rimisopai rogo Baibiri yo ku rogo gaani fugo dagbase. Kuba gupai nga kaa baka bangirise tipa gupai ani nika gumbaha tipa ka manga dezirepai, mo moi berãro kuti yugo nyemupai. (Mt 22:39; Frp 2:4) Ka momu kuru rogo gamo fugodagbase yo tipa mo fura tipa rengo, dungu aũsunge duho rengbe ka undo ro.

Waigu rengbe agi aũsunge re ka undo ro tipa mo mangi dezirepai tipa gupai ka kuru rogo gaoni fugodagbase na boro?

ONI BI GU VIDIO NGA “MARà NABEDA MARÔ—TONA FUGO NA BORO, NA TIFUOHO, ONI KI KARAGAPAI KUTI GI SANAHE RE:

Gini meme apai biata rengbe ka undo rani ani mbakadi gaani fugodagbase?