Agu aKristano nambakada pa gayo pumbo rogatise na badungu adiaberã tipa ka mangaha. Kura aboro ima rengba ka sosoda yo tipa i pekefuo gu sino nga ga manga bakere pumbo rogatise du rogo gayo dagbarago. Wene abakure na agume ima rengba ka du na gayo aberãpai tipa agu apai i aida si du rogo gu pumbo rogatise re. Gini bangua arengo nga ga Baibiri nika undo agu arogotise re i mbakadi pa gayo pumbo rogatise ngba gu gene nika sa gupai nga i du na gigiri sangbakpotoseyo zanga biratise?

ONI BI GU VIDIO NGA, GU PUMBO ROGATISE NAFU TAARIMO FU YEKOVA, NA FUOHO, ONI KI KARAGAPAI KUTI AGI ASANAHE DU KUSENDE RE:

• Wai gu agi abangua arengo nga ga Baibiri re aundo aNick na Juliana?

  • 1Kor 10:31

  • 1Yo 2:15, 16

  • Gara 5:19-21

  • 1Tim 2:9

• Tipagine si aida agu aboro naida ka manga rogatise sia kina gu wirina ni Kristano ti ni naima nyaka rogo toroyo ni du ni “gbia pumbo”?​—Yo 2:9, 10.

• Gini nduapai nasa aNick na Juliana kina yo mangi gayo diaberã tipa gayo pumbo rogatise?

• Da nga gu yangara boro si aida ni mangi yangada adiaberã tipa pumbo rogatise na gu ba i nika mangaha rogoho?​—w06 11/1 kpe. 14 genewa. 10.