Ti kura aregbo, ani ima rengba kaa bihe nga gu sunge ani amangaha fu kura aboro, i abingo ho na nyanyakipaha te na bangiriyo nago ti ni niipo. Na ginipai tigaha du tipa gu gaani sunge ani amangaha fu Yekova? Gaani Mbori nabi gu sunge ani amangaha fu ko na kpotorani yo dũ na nyanyakipaha na bangiriko ago nga ti ni te. Zavura ho kere kaza aka ni na ani ti manga gupai rengbe na ome rani, ko ambunga rani te.—Eb 6:10.

ONI MOI GU VIDIO NGA YEKOVA NATINGIDAPA GAANI SUNGE ATINGIDA, NA FUOHO, ONI KI KARAGAPAI KUTI AGI ASANAHE RE:

• Waigu gu wirina nga Hibshman amangisunge nyanyaki fu Yekova rogo angbatunga asunge ni bakiakia tingba ga Yekova sunge?

• Gini agene Yekova ayuguhe ngbaha nga ko natingidapa Hibshman atingida tifuo diako kpi na tifuo ko gbinza ka ome adunga berewe tiko ko naamanga agu apai ko anaamangaha mbata ya?

• Tipagine rengbe ani ka pe gupai tini nga ga Hibshman raka tingba mangasunge Kindo ti aregbo dũ adu ni pa maku fu ko?—Snz 10:22