Gu dunguratise du tipa tungusapai wakina gu kura adunguratise nga ga dungurati, si nga mbakadapai be Yekova ka undo rani ani nyakasi akuarani kuti nyemuse na wene mangaapai. (Eb 10:24, 25) Si naida i mangihe tipa a miniti bisue watadu saba, nga gu nakoda kparaka aboro, gu dagbarago aboro nika tungusapai rogoho gbiati kparakpee. (Kangia i namanga gu dunguratise re fuo kura dunguratise, si naida si du ni wiri guruhe.) Si naida gu boro nanungusaha mbakadi gupai nga gu nika undo agu aboro na ni nika ndu ni gu uru re gene tungusapai yo. Ni kpiapai, Rago Nzengu aboro naye ni dungu yo tipa tungusapai nga aguyo naandunga gene tungusapai yo bebere poso ya, si adu ni wenepai ka oni fura tipa gupai rengbe aboro ka pehe fu irakporo. Gini kura apai nga gu rengbe kadu ni wenehe tipa aboro fura tipaha?

• Kpia wai ka tungusapai nga gu du rogo Gaani Raka Nga ga AKristano na Gaani Sunge

• Wai ka mangasunge na agu apai namanga awere rogo apangbanga watadu atingidapai tipa ka tona fugo

• Wai ka karagapai kuti gupai aboro natikango riihe gbe

• Wai ka karagapai fu gu boro aidanga kuti Mbori ya, gu boro idi kuti gupai nga ahe akuru nisaha, gu boro nafura rogo kura fugo, watadu gu boro du rogo gu pambori du rogo gu rago re

• Wai ka mangasunge na agu apai du rogo jw.org website, na JW Library^®app, watadu Baibiri

• Wai ka mangasunge na Aũsunge Nga ga Yugopai

• Wai ka mangasunge na gu kura gene tungusapai wa gu nga manga dezirepai rogo terefuni, keka awaraga, tungusapai gbaiga, karagatise fuo boro, watadu wisigo Baibiri

• Atingidapai tipa bandatise, inidotise na vovo apai, iriiri mangaapai, ruru bipai, watadu gu kurapai du wa ha

• Wirikapai watadu vidio rogo gu burosua nga Mo Fu Tiro Sa Gedapai Na Yugopai

• Wai ka ngarasa gaani badiasunge tungusapai na ki undo ni

• Gu veresi nabipa tungusapai watadu gu wenepai namangi gene tungusapai yo