Si naida aida ani naatuda gu tunga rengo ani arũhe. (1Kor 3:6) Ho ani agbia gu boro ni yugu nyemupai, si naida ani mbu gu sanahe ani nika sakapai tipaha ti gu regbo ani nika ye berewe fuoni. Si nika sa gupai nga ni du na maabangirise tipa sakapai ku mbatayo na ani ki ini gupai a ani nika sakaha na ni. Ho ani akaraga tirani ni berewe fuo ni, ani rengbe ka ya funi ani ye tipa ka karagapai kuti gu sanahe ani asanaha ti gu regbo ani aye fuoni.

• Ho mo ambakada gupai ni mo nika gumbaha ti gu regbo oni kaa tungusapai kporo na kporo, mo mbakadi gu sanahe mo nika mbu irakporo na ni. Si rengbe kadu nga karagapai kuti gu sanahe re kina rogo gu waraga mo nafuhe funi. Si rengbe kadu a nga si nga gu sanahe du karagapai kutini rogo waraga sa dagba agu ani naawisigoho na aboro nga gu mo aida ka ndu na ni funi.

• Ho mo adigiso fugo ni na gu boro yugu nyemupai, si naida mo sani ni ini gupai nga mo na nyemu ka fura berewe na ni na ka karagapai kuti gu sanahe mo nambu ni na ni. Mo di gani namba terefuni ka rengba du.

• Ka mo pepa regbo funi nga gu mo nika ndu ti ni, mo ndu kina ti gu regbo re zanga kpa.—Mt 5:37.