Tipagine ani naagbia ngbarago ti ni ni bakerehe ti gu gaani bakere adunguratise ninaamanga na agarã dũ? A wa si adu rogo gu Yisaraere naadu mbata, gu bakere adunguratise du ti gaani regbo areme nafu momu furani ani irisi Yekova na akama watadu akutu akuarani aidipase. Ani ninaagbia ngbarago ti gu riahe nga ga toro du kpaima. Berewe a, ani ni naabi gu wene regbo ani naadiaha na abakurearani gbiati gaani aborokporo na nyanyakipaha. Sidu, si naida ani ndu tipa agu auru biata dunduko nga ga bakere dunguratise.

Ho ani agbia momu ni tipa ka dunguratirani ku rogo ba sa, si aidanga ani berẽ sa tipa kina gu undo ani ka gbiaha tipa tirani te, si naida ani berẽ a tipa wai rengbe ani ka yugo nyemuse fu kura aboro. (Gara 6:10; Eb 10:24, 25) Ho ani ane gene ni fu akuarani i rimi kuba dunguratise yo watadu ho ani azio kina agu aba ni ani aidaha, gure nayugo gupai nga ani nangera tipa gu nyemupai nga ga kura aboro. (Frp 2:3, 4) Bakere adunguratise nafu momu furani ani zi vovo abakure. Ani ima rengba ka maaha ni gaani sasa ka fura na gu boro ani ainongo ni ya mbata fu mbakadapai tona, tingba fuo mbakadapai, na ti regbo ongoda. (2Kor 6:13) Gu pabakure ani atonaha ti agi aregbo re ima rengba ka nyeanye kindi! Gu susi asusa gbe nga, ho kura aboro abi rani ni ani yugu ndikidi nyemuse, si ima arengba ka sayo i diberã ka kodatiyo na ani tipa ani irisi Yekova wa sa.—Yo 13:35.

ONI BI GU VIDIO NGA “NYEMUSE ADIGONGA TE”! BAKERE ADUNGURATISE NGA GA DUNGU ARINGARA, NA FUOHO, ONI KI KARAGAPAI KUTI AGI ASANAHE RE:

• Wai gu i ayugu nyemuse fu agu agino naandu tipa gu bakere adunguratise nga ga dungu aringara nangia ga 2019?

• Tipagine du gu kodatise na nyemuse du dagba ga Yekova aboro ti ni ni gupai naba kina iriworago ti aboro?

• Gini apapara nyemuse nga ga aKristano aboro Riigbu Bipasunge asakipai tipaha?

• Wai gu gu nyemuse nga ga aKristano nakodi awirinarani Germani yo na South Korea yo?

• Ginipai si aida ani diberã ka mangaha?