Gini apai mo asota na ni naaˈuru dunduko? Ya mo mo nga bariikporo naasada ka ngerafuo agu atindiro du kurii ro? Ya mo mo nga gu vungugude adunga kumba beri ya na asada ka ngera fuo gamo aborokporo? Ya mo mo nga tooni gude nagbia tiro na sawiahe be akuaro sukuru yo? Ya mo mo nasota na kaza kpotose watadu gu sangbanapai naye mbiko gbinza? Aboro dunduko du na akpakarapai tiyo. Badungu aKristano nasovura kuti dungu aasada ti bangisa regbo sa. Ono wa vura duhe wo, Yekova nika dia agi akpakarapai re kusayo rirani barambeda.—2Kor 4:16-18.

Da ti gu regbo re, ani rengbe ka gbia wasa ni ino ani gupai nga Yekova ima rugatiko na gaani asota, ko nabi gaani du niruruse gbiati hipai na nyanyakipaha, na ko nika fu amaku kpaima furani. (Yere 29:11, 12) Yesu na kina nyemu agu apai du tipa rani a. Wa ani amanga gu gaani asunge nga ga aKristano, ko nakido rani nga: “mi na oni ti arago dũ.” (Mt 28:20) Ho ani adia regbo ni ka berãkuriipa gu ranirii du kumbatayo tiibe ga Mbori Kindo, ani nanyakasa gaani maabangirise gbiati gaani diaberã ka hi agu akpakarapai ani andu rogoho awere.—Rom 8:19-21.

ONI BI GU VIDIO NGA WA BAVUGUMO AMBEDA, ONI MOIBERÃRONI KUTI YESU NA AGU AMAKU NGA GA KINDO DU KUMBATAYO, NA FUOHO, ONI KI KARAGAPAI KUTI AGI ASANAHE RE:

• Wai gu i akpara aboro kusayo ti Mbori, na sangbanaha nga gine?

• Gini weneapai du kumbatayo napido agu aboro du ni ruruyo fu Yekova?

• Wai gu du gi weneapai du kumbatayo re taata?

• Gini amaku rogo gu vovo zegino i nakidopaha mo angera kumbatayo tipaha?