Ka ngia paranga Kristano nga mo, watadu bawiriki Ziazia Kekeapai, ya mo mo na gu sasa nga ga zio bapatiza? Tipagine si aida mo zi bapatiza tini? Kparatise na ki zi bapatiza nasa gupai nga ani du na kparakpara pagume na Yekova. (Tam 91:1) Na si nandu na ani a kuti bata. (1Pet 3:21) Wai gu rengbe mo ka manga sonakumbatayo rogo agi adia ndue re?

Mo idihe nitiro nga rengo du nga gipai re. Ho sanahe aye ni kuriro yo mo mangi weteka pai nisaro. (Rom 12:2) Mo bi agu ariapai si aida mo mangihe, na ki mangi pai kuti gamo nyemupai ka sa ngbarago ti Yekova. (Snz 27:11; Ef 4:23, 24) Mo ni kpari fu Yekova dedede tipa undo. Mo du na gu kido nga Yekova nika nyakasa ro na ki undo ro na gako ziazia toro. (1Pet 5:10, 11) Gu ome mo amangaha si adu nga gbua te. Iriso Yekova nga gu wene gene raka ngba kisusi!—Tam 16:11.

ONI BI GU VIDIO NGA GU GENE NANDU SA BAPATIZA, NA KI KARAGAPAI KUTI AGI ASANAHE RE:

• Gini akpakarapai gu kura aboro nadi behe tipa ka zio bapatiza?

• Wai gu rengbe mo ka sonosa gu idapase si aidaha tipa mo kpara gamo raka fu Yekova?

• Ginipai nafõngbadu kura aboro yo tipa i mangi agu adiandue nandu sa bapatiza?

• Gini amaku naye fu agu aboro nasia ka iriso Yekova?

• Rogo gupai yo nga kparatise na bapatiza nga gine?