Yekova nambakada gako aboro areme tipa gupai nga i mangi gupai ko akpinyemuhe kina wai i ambakadi aYisaraere. Rogo zegino kirikiri, abe-basunge, badona nga ga adungurati, gbiati agu abadona nga ga sunge tungusapai namangasunge wa sa tipa ka tungusa wene pangbanga. Ani natungusapai fu aboro dunduko, kodihe na agu aboro nagumba kura afugo.—Yugo 14:6, 7.

Ya mo mo aberẽnga pa wirika kura fugo tipa gupai nga ka undo kura aboro i wiri rengo? Ka si vura du vurũ nga regbo bero tipa ka wirika kura fugo te, mo ima rengba ka mangasunge na JW Language app tipa ka wirika taatapai wa gu nga wai ka tona fugo. Tingbafuo mo mangisunge na ni gene tungusapai yo, mo nika du na rengba ka gbia kina gu bangisa ngbarago agu awirina naadu rogo bambata sa kama agarã agbiaha ho iriwoapai ati ni ti agu aboro naadu rogo kura aringa ka gia “agu apai du na tandu nga ga Mbori” kina rogo gayo afugo.—Amo 2:7-11.

ONI BI GU VIDIO NGA MO DU NI BAKUREA YEKOVA—MO TUNGUSIPAI ROGO KURA FUGO, NA FUOHO, ONI KI KARAGAPAI KUTI AGI ASANAHE RE:

• Ti gini regbo rengbe mo ka mangasunge na JW Language app?

• Gini apai du rogo yo?

• Gini afugo kura aboro apehe rogo gaoni dagbarago?

• Ginipai rengbe mo ka mangaha ka sidu nga gu boro yugu nyemupai tipa gu pangbanga nga ga Kindo nape kura fugo kia?—od kpe. 100-101 genewa. 39-41