Tipagine si aida mo asadi ti ni ka pe agu apai du berãro yo fu avunguro? (Snz 23:26) Mbiko Yekova ima fu gu tindiro fuyo nga ga ngerafuo ro na kini rugu ro. (Tam 127:3, 4) Si ima rengba kadu ni kpakarakpakaraha fuyo tipa ka undo ro ka si du nga mo naoka agu apai aoka nafuda ro beyo. Berewe a, mo ima rengba ka zanga wirika gupai beyo i nawirikihe rogo raka yo. Ya mo gbegberẽ pai du ngaha tipa ka oka kura apai? Anga wo duhe ti aregbo dunduko te, ono si aidanga mo nangi avunguro tipa i naaberã gupai angianga rengo ya te.​—Snz 3:32.

Waigu rengbe mo ka fura na avunguro? Mo asadi ka fura na yo ti gu regbo du ni wenehe foro na fuyo a. Ka gipai re du ni mbumbuhe foro, mo ima rengba ka ke waraga fu gu ni sa tipa ka gumba gamo aberãpai. Na ka si du nga i naida ka fura na mo tipa gupai mo aidanga ka fura tipaha ya? Mo tingidi gupai nga i naida aida nzunzu ka undo ro. Mo naabi avunguro wa abakureamo angianga avura ro ya. Gu ome mo nikaa mangaha tipa kaa peka agu apai du ngbaduro yo fu avunguro nika undo ro rogo gamo raka yo naabaha​—na nyeanye kindi!​—Snz 4:10-12.

ONI MOI GU VIDIO NGA NI PARANGA GUDE​—WAI RENGBE MI KA FURA FU AVUNGU RE? NA FUOHO ONI KI KARAGAPAI KUTI AGI ASANAHE RE:

• Ginipai aEsther na Partik aye ka rugatiyo nani tipa tiyo?

• Ginipai rengbe mo ka wirikaha ti ga Yesu kpiapai?

• Waigu avunguro nayuguhe nga i naberã paro aberã?

• Agini arugute nga ga Baibiri rengbe ka undo ro tipa mo fura na avunguro?