Fugo Mbori ima rengba ka aria gaani raka. (Eb 4:12) Ono tie, tipa ka gbia undo ti gaha ngbembatayo, rugapai gbiati arugute, si naida ani idi kuti gupai nirengo nga “ga Mbori pai” du nga ha. (1Tesa 2:13) Waigu rengbe ani ka nyakasa gaani idapase kuti Baibiri?

Mo nigedi Baibiri na auru dunduko. Wa mo ni kaa gedaha, mo ngere tipa gu gopai nga gu nayugoho nga Yekova nga bakehe. Ni kpiapai, mo wisigingo agu arugute du rogo gu buku nga Asanza na ki bingo wai gaha tatamana aundo rani rogo gaani raka yo areme.—Snz 13:20; 14:30.

Mo mangi dudunguro wisigopai. Mo iniditiro na agu agopai nayugo gupai nga Mbori du nadu kugiipa ke Baibiri. Mo ndu ku rogo Research Guide for Jehovah’s Witnesses, ki ngere tii gu riipai nga “The Bible” na fuoho, mo ki bi gu kekepai nga “Inspired by God.” Mo ima rengba a ka nyakasa gamo idapase nga agu apangbanga du rogo Baibiri aarianga tihe te ni wisigo mo gupai du rogo Appendix A3 nga ga New World Translation.

ONI BI GU VIDIO NGA NDU GUPAI DU ANI NA IDAPASE TI NI KUTI . . . FUGO MBORI, NA FUOHO, ONI KI KARAGAPAI KUTI AGI ASANAHE RE:

• Waigu pa kurayo bara agu asura nadu ti vuro gu bambu yekaru naadu Karnak, Ezipeta yo, ayugo gupai nga Fugo Mbori nga rengo?

  Ga mo karagapaitextarea-1

• Waigu ani aino gupai nga gu pangbanga nga ga Baibiri aˈarianga tihe te?

  Ga mo karagapaitextarea-2

• Waigu pa bata Baibiri ayugo gupai foro nga si nga Fugo Mbori?—Mo gedi Yesaya 40:8

  Ga mo karagapaitextarea-3