Rogo gi yangara arame re, ani nagbia tirani na dungu kpakarakpakaraha aˈasada. Ti kura aregbo, ani rengbe kaa bi tirani nga gaani asada ima fu ri omerani na gene wa ka ani hihe te. Ono tie, ka ani aandu kindi kumbatayo kaa mbeda na Yekova, ko nika undo rani ani hi asada zavura gu rengbe ka du ni kerehe gbe. (Yes 43:2, 4) Waigu rengbe ani ka mbeda na Mbori ho ani asusa rogo aˈasada ni?

Kparakpee. Ho ani akusuko kpotoraniyo ni fu Yekova rogo kparakpee yo, ko nafu gu zereda furani nga ga berãseyo gbiati gu ome ani aidaha tipa ka hipai.—Frp 4:6, 7; 1Tesa 5:17.

Adunguratise. Awere, ani anaida na gu riahe nga ga toro gbiati gu kodatise Yekova afuhe furani ti regbo gaani adunguratise susi gu nidu mbata. (Eb 10:24, 25) Ho ani ambakada tirani ni tipa ka du pati adunguratise na kini fu akaragapai ti regbo agu adunguratise nga ga dungurati, ani nagbia undo ni bakerehe gbe ti gu undo nga ga ga Yekova ziazia toro.—Yugo 2:29.

Tungusapai. Si nika du furani taata ani gbe berãrani kuti agu apai du ni wenehe ka ani mangi ai gupai rengbe ani ka mangaha tipa kaa mangasunge tungusapai kindi. Ani nika nyakasa gu pabakure a du dagbarani na gaani abadiasunge—kodihe na Yekova.—1Kor 3:5-10.

ONI BI GU VIDIO NGA YEKOVA NIKA DIA RO KU GUME, NA FUOHO, ONI KI KARAGAPAI KUTI AGI ASANAHE RE:

• Ginipai naundo Malu ri nye mbembedi na Yekova ho ri adu ni rogo aˈasada?

  Ga mo karagapaitextarea-1

• Wakina Malu, waigu rengbe agu afugo du rogo Atambuahe 34:18 ka fu wasa furani ti regbo gaani aˈasada?

  Ga mo karagapaitextarea-2

• Waigu ga Malu pangbanga ayugo gupai nga Yekova nafu “gu bakere tandu susi” furani ho ani agbiatirani ni na aˈasada?—2Kor 4:7

  Ga mo karagapaitextarea-3