Ani naida ka sa ngbarago ti Yekova rogo agu apai yo ani kaa mangaha dunduko. (Snz 27:11) Tipa ka mangaha wo, si naida ani mangi agu adiaberã nga gu nandu sa na gako aberãpai zavura ho adunga ndiko ni gbaiga tipa pai ka nungusa rani ya. Ginipai rengbe ka undo rani ani mangi gipai re?

Mo ka kuti gamo mbakadapai nga ga wisigo Baibiri dedede. Ai gu regbo ani ageda Baibiri ti ni, si wa ka i ya ani nadia regbo na Yekova. Ani rengbe ka wirika gu gene Yekova aberã ngbaha ni bi ani wai ko amangipai na gako aboro na ni wisigo ani agu akpiapai nga ga agu aboro namangi gupai du ni wenehe watadu gu nadu ni gbegberẽhe bangiriko. Ho ani aida ka manga diaberã ni, ziazia toro rengbe ka undo rani ani tingidi gu nyanyaki pa apai ani awirikihe gbiati gu bangua arengo nga gu ani nawirikihe rogo Fugo Mbori yo.—Yo 14:26.

Mo naamanga wetekapai. Ho mo aida ka manga diaberã ni, mo sananga tiro nga, ‘Gini averesi watadu apangbanga rogo Baibiri yo rengbe ka undo re mi rugu tire na wai Yekova abi apai?’ Mo mangi kparakpee tipa ga Yekova undo, na ki mangisunge na agu aũweteka pai du rogo fugoro yo tipa si undo ro mo gbia agu abangua arengo nga ga Baibiri nga gu nika undoro rogo gupai du mo rogoho na ki bi wai rengbe mo ka mangapai kuti ni.—Tam 25:4.

ONI MOI GU VIDIO NGA ANI DU WA KA ANI “ORO GU OTO” NGA GA HIPAI—ANI RI GU RIAHE DU NI WENEHE TIPA KPOTORANI, NA FUOHO, ONI KI KARAGAPAI KUTI AGI ASANAHE RE:

• Gini asosoda he gu paranga wirina nidu rogo gu vidio re agbia tiri na ni?

  Ga mo karagapaitextarea-1

• Waigu rengbe mo ka mangasunge na aũweteka pai tipa si undo ro mo mangipai kuti ngbatunga sosodahe wa gure?

  Ga mo karagapaitextarea-2

• Waigu ani agbia undo ho ani adia regbo ni ka manga wetekapai gbiati wisigopai nisase nga gu rengbe ka undo rani ani mangi wene adiaberã?—Eb 5:13, 14

  Ga mo karagapaitextarea-3