Rogo agarã nibasasa, ga Yekova aboro naangera kumbatayo tipa ka du pati Tingida Pakpio Yesu. Rogo agu aposo nidu mbata na tingbafuo Tingida Pakpio Yesu, ani ninaamangasunge na gi kparakpara amomu re tipa ka fu tambuahe fu Yekova tipa gu gamahe nga ga motumo tumorii. (Ef 1:3, 7) Ni kpiapai, ani naamanga nyanyaki sunge tipa ka yamba aboro tipa Tingida Pakpio Yesu. Gu kura aboro nidu na rengbe ka manga aariapai tipa wa ka i du na rengba ka mangasunge moundo abazakigene na gu sásá nga ga mangasunge tipa asaa 30 watadu 50 rogo agu adiwi nga ga Marungu na Zerekpe. Ya mo mo na nyemu ka kiiso gamo asaa gene tungusapai yo ti regbo Tingida Pakpio Yesu? Ginipai rengbe ka undoro mo du na diabese?

Dedede, ani nidu na diabese gbe, ho ani naambakada tirani ni mbu regbo kindi kumbayo. (Snz 21:5) Bambiko wa Tingida Pakpio Yesu ambeda, awere nga regbo ka tona mbakadatise tipaha. Mo berẽpa wai mo nika ida ka kiiso gamo sunge tungusapai ti regbo Tingida Pakpio Yesu na ki diberã tipa gupai mo nika mangaha ka da ti gamo asásá. Fuoho, mo ki sana Yekova ko fu maku kurii gu ome mo amangaha.—1Yo 5:14, 15.

Ya mo mo rengbe ka berãpa gu kura agene nga gu rengbe mo ka kiiso gamo sunge tungusapai ti regbo Tingida Pakpio Yesu ngbaha?