Yesu atakipande pa “gu wene pangbanga nga ga ga Mbori ngbi.” (Rk 4:43) Na ko ayugupai fu aboro a nga i kpari tipa ga Mbori Kindo. (Mt 6:9, 10) Rogo gu diwi nga Ngbangba ani nika manga bakere ome tipa ka takapande pa ga Mbori Kindo. (Mt 24:14) Mo mbakadi agu apai du tipa ro tipa gupai nga mo du na rengba ka manga gi kparakpara tua re. Agu aboro dunduko namangasunge ni amoundo abazakigene ima rengba ka sia ka tungusapai rogo gi diwi re tipa asa 30 watadu 50.

Mo mangi ome ka mangasunge na agu averesi nafura tipa ga Mbori Kindo tipa ka fura na dungu aboro rogo gaoni dagbarago. Ho mo nika siaka averesi ni, mo berãpa agu aboro du rogo gaoni dagbarago na gayo pambori. Ka boro yugu nyemupai ti bambata regbo,  mo fu Ngbaõbambu Sinziri Na. 2 2020 funi gu du tipa aboro dũ. Mo ki karaga tiro fuo agu aboro nayugu nyemupai na ki asadi ka tona wisigopai ni manga mo sunge na waraga sa dagba gaani Aũsunge Nga ga Yugopai. Regbo nye koyo tooni mbata fu ga Mbori Kindo gbarasi agu azogarago dunduko nasogaha. (Dan 2:44; 1Kor 15:24, 25) Sidu tie, ani mangingo sunge amanga na gi kparakpara momu re tipa ka yugoho nga ani nara fu Yekova na gako Kindo!