ADezire Yekova na kparakpara momu beyo. Wangia ani agu aKristano niima kpara gaani raka na ki zi bapatiza, ani nandu kindi kumbatayo kaa sonosa dudunguro pagume na Bakerepa Bakindo nga Yekova. Ko ima gberani koyo du ko ni vurube Wiriko. (Yo 6:44) Ko nadegatuko kuti gaani akparakpee.—Tam 34:15.

Wai gu rengbe ani ka banda gu nyanyaki pagume du dagbarani na Mbori? Gene sa dagba agu akuraha nga, si naida ani ne gu ingapai nangia ga aYisaraere. Ngbutuko fuo i rimi ku rogo mozunga na Yekova, i ambakadi kpia wiri bagara na i ki ti ku rogo irisokpiahe. (Gate 32:7, 8; 1Kor 10:7, 11, 14) Ani ima rengba ka sana tirani nga: ‘Wai gu mi naakaragapai ho mi agbia tire ni na asada? Ya mo gimi mangapai naayugo gupai nga mi nabi gimi pagume na Yekova na nyanyakipaha?’ Dudunguro nyemuse tipa gu barani du ngbangbaturũ yo nika undo rani ani oro be agu apai ko asogaha.—Tam 97:10.

ONI BI GU VIDIO NGA MO BANDA GAMO PAGUME NA YEKOVA (KORO 3:5), FUOHO, ONI KI KARAGAPAI KUTI AGI ASANAHE DU KU SENDE RE:

• Gine nga ngbaduse?

• Tipagine si aida ani ka gu sino ti ni nga ngbaduse gbiati irisokpiahe?

• Wai gu du bäri na irisokpiahe kina sa?

• Tipagine si aida agu aboro du na sunge beyo rogo riigbu moi berãyo ti ni tipa ka ngerafuo agu azingo nga ga gayo badiarogatise?